Во последно време здравата храна станува многу популарна, сè повеќе луѓе се обидуваат да се хранат здраво, па така, на полиците на маркетите можеме да видиме разновидни производи кои се етикетирани со придавките „здраво“, „природно“, „100% природно“ итн. Прашањето е: Колку од овие производи се навистина здрави и природни, ако стојат на полиците повеќе месеци, па и години?

 Еден таков производ кој нашироко се препорачува како здрав производ е сушеното овошје, кое може да се најде пакувано или во рефус. Во суштина овошјето ако се суши без никакви додатоци и конзерванси или ако тие додатоци се природни како на пример, сок од лимон, тогаш тоа навистина е здрав производ кој е одличен како меѓуоброк или ужина.  Меѓутоа, овде се јавува проблемот. Речиси сите кои се достапни на пазарот, било да се пакувани или во рефус се сушат со штетни конзерванси – сулфити. Сулфитите спречуваат губење боја на овошјето и го спречуваат растот на бактерии. Сулфитите кои се користат за оваа намена се: сулфур диоксид (E-220), натриум сулфит (E-221), натриум бисулфит (E-222), натриум метабисулфит (E-223), калиум метабисулфит (E-224), калциум сулфит (E-226) и калциум бисилфут (E-227) и секако дел од нив се дозволени и во производството на органска храна.

Како да препознаете генетски модифицирана храна во продавниците и на пазарите? Засега нема вистински начин и универзално решение туку треба да се потпреме на својот здрав разум, логика и инстинкт, како и на сопственото истражување за добавувачите на суровини, производителите на храна и информирањето преку медиумите.

Принципи:
ГМО храната е поубава, округла, посјајна, со изедначена големина, сјајна боја без модрици и оштетувања, без лузни и знаци на расипување. Во природа не сме сите исти. Некој е повисок, некој понизок, некој крупен, а некој слаб. Истото важи и за природното овошје и зеленчук. Купувајте неправилно овошје и зеленчук, така да се каже, со грд изглед. Гледајте овошјето и зеленчукот да биде со различни бои, големини и форми. Ништо нема да му недостига ако е малку удрено и да покажува знаци дека е навистина живо т.е. да се расипува. На полицита каде што има такво овошје и зеленчук, големи се шансите да не се ГМО.

ГМО-Прашање за опстанок на народот!

ГМО храната е погубна за нашето здравје, нашата земја, земјоделство и околината.

Генетски модифицираните организми-ГМО настануваат кога се мешаат гени на животни(бубашваби, риби, жаби, бактерии или луѓе)   со гени на растенија. Тоа не се хибриди кои настануваат со мешање на две растенија! ГМО не може да израсне природно, па нашиот организам ги препознава како туѓо тело и реагира со создавање на антитела што е вовед во автоимуни болести.
Производителите на ГМО инсистираат да не се обележуваат ГМО производите. Зар тоа би го правеле ако ГМО храната е потполно здрава и сигурна?
Руските научници докажале дека ГМО во третата генерација на експериментални глувци предизвикува рак и стерилитет!
Да го сочуваме нашето потпомство!

Аспартамот е вештачки засладувач кој се користи во многу диетални производи затоа што има многу мала калориска (речиси непостоечка) вредност. Интересен факт за аспартамот е тоа што неговото одобрување, всушност, било одбивано 8 пати од Администрацијата за храна и лекови на САД меѓу 1973 и 1996 год. Во ’96-та, бил одобрен иако биле документирани 92 несакани ефекти од неговото внесување вклучувајќи слепило, опаѓање на коса, добивање килограми (о, иронија!) мигрени и Алцхајмерова болест, да наброиме само неколку.