Есенско утро

Начин на подготовка

1. Рецептот за млекото од лешници можете да го видите овде. Излупете ја тиквата, насечете ја на помали парчиња и ставете ја во блендер.

2. Додадете ги излупените јапонски јаболка, урми, цимет, мускатно оревче и ванила паста. На крај додадете го млекото од лешник.

3. Изблендирајте добро додека не добиете изедначена смеса.

   Придобивките од консумирање тиква се многубројни.  Содржи витамин Б1, Б2, Б6, Ц и Е и бета каротен, минерали- фосфор, калциум, магнезиуми железо и растителни влакна, а има многу малку калории. Се препорачува да ја консумираат луѓето со висок холестерол и оние со вишок килограми.
   Јапонското јаболко, познато е и уште како „божествено овошје“ е богат извор на фитохемикалии кои помагаат при воспалителните реакции и инфекции. Го зајакнува имунитетот, го регулира шеќерот во крвта, го подобрува производството на црвени крвни клетки и е природен лек против икање.
   Кога ќе ги споите овие две овошја во еден кашест сок, ќе добиете вистинска нутритивна бомба.

   На здравје!