Кимчи

5.0/5 оценка (2 гласови)
Кимчи

Состојки

  • ЗА КИМЧИ
  • Кинеска зелка, 1/2 голема (или 1 мала глава)
  • 1-2 моркови, насечени на тенки лентички
  • 1/4 црвена бабура, насечена на тенки лентички
  • 50 гр виолетова зелка, тенко исечена со нож или во процесор за храна
  • 1/2 лажичка хималајска сол
  • ЗАЧИНСКА ПАСТА
  • 50 гр бабура, исечкана
  • 1 лажица свеж истолчен лук
  • 1 лажица ситно исечен ѓумбир
  • 1 лажица ситно исечен млад кромид
  • 1 1/2 лажичка суви црвени пиперчиња
  • 2 лажички агаве сируп
  • 1/2 лажица хималајска сол

Начин на подготовка

  1. Кимчи е вид на ферментирана салата која се прави со векови во Кореа и е богата со пробиотици како бактерии на млечна киселина. Ферментацијата е одлличен начин да се зачува зеленчукот и да се направи полесен за дигестија.

     За дополнителна боја во овој рецепт можете да комбинирате убаво исечена бабура со моркови и зелка. Остатоците од бабурата можете да ги искористите за правењето на зачинска паста која ќе ви биде потребна за овој рецепт.

     Пред да ги додадете другите состојки, попрскајте ја зелката со сол и изгмечете ја за да може да пушти повеќе вода. Кимчито допирајте го со многу чисти раце или пак користете ракавици.

     Кимчито ќе се прошири и ќе се зголеми гасот како што ферментира. Поради ова, важно е да се остави простор на врвот од теглата и да се отвора капачето барем еднаш на ден.

     Откако ќе ферментира кимчито за 2-3 дена, се преместува во фрижидер.

    Кимчи е пример за анаеробна ферментација -ферментација во отсуство на воздух- поради што е важно да се покрие зелката со раствор. Ова го поттикнува растот на бактериите на млечната киселина. Кимчи мора да  ферментира на собна темепратура бидејќи фрижидерот ќе го запре растот на добрите бактерии и ферментацијата.

  2. Одделете ги листовите зелка и измијте ги темелно. Насечете ги на мали парчиња.

    Посолете 1/2 лажица хималајска сол врз листовите зелка и оставете да постојат. Притиснете ги парчињата зелка за да се истисне  водата и за да се формира растворот

  3. Напаравете ја зачинската паста со преостаната 1/2 лажица сол, бабурата, младиот кромид, лукот, ѓумбирот, сувите пиперчиња и агаве сирупот. Можете да користите аван и толчник или мини процесор за да ја направите пастата. Нанесете ја зачинската паста еднакво на листовите зелка и добро изгмечете. Солта ја извлекува водата од зелката создавајќи го растворот.

  4. Откога листовите се обложени со зачинската паста и откога ќе излезе доволна количина вода, додадете го преостанатиот зеленчук (морков, бабура, виолетова зелка) и измешајте.

  5.  Преместете ја зачинетата зелка во стаклен сад (тегла, големо шише итн.) и притиснете ја добро со рацете. Исто така, течноста која останала од процесот на мешање, ставете ја во садот -тоа ќе стане кимчи раствор. Малку течност ќе излезе и од притискањето на листовите зелка како што ги ставате  во стаклениот сад. Зелката треба да биде потполно покриена од кимчи растворот.

  6. Оставете приближно 5 цм простор на врвот од шишето или теглата пред добро да го затворете со капаче. Оставете го садот со кимчи да стои на собна темепература 2-3 дена.

     Чувајте го на собна температура, но не на директна сончева светлина.

     Можете да го отворите садот на секои 24 часа да се ослободи притисокот од ферментација.

     По 2-3 дена, вашето кимчи е готово за јадење.

    Преостанатото кимчи чувајте го фрижидер. Може да се чува во растворот, но најдобро е да се исцеди пред употреба. Кимчито во фрижидерот ќе продолжи бавно да ферментира станувајќи покисело и поароматично со секој поминат ден.

    Секогаш користете чист прибор кога го вадите кимчито од стаклениот сад.

    Повеќе за здравствените продобивки од кимчито можете да прочитате тука.

     

Коментари (4)

Оставете коментар

Оставивте коментар како гостин. Подолу зачленување по желба.