Ќофтиња од црвена леќа - рецепт на Лилјана Давкова

Начин на подготовка

1. Ќофтиња од црвена леќа, еден од повеќето рецепти кои ни ги испрати Лилјана Давкова за наградниот предизвик „Гответе со нас“.

   Леќата добро измијте ја и оставете да се исцеди.

2. Ставете ја водата во тенџере и откако ќе зоврие, додадете ја леќата, намалете ја темепратурата и нека се вари на тивко околу 20 мин. Потоа, тргнете ја настрана и оставете да се олади.

3. Црвената леќа добро испасирајте ја. Таа кога е добро сварена е веќе како каша и доволно е само добро да измешате. Додадете ситно сечканиот кромид и магданос, пресуваниот лук, кимот, црвениот мелен пипер, сокот од лимонот и посолете со хималајска сол по вкус. Од добиената смеса, оформете ќофтиња во вид на топчиња.

4. Не би требало да ви остане ретка смесата ако одите според  рецептот. Можете да ги  извалкате во пченкарно брашно и кратко да ги потпечете во рерна. Инаку, убави се и непотпечени.