Романеско супа

Начин на подготовка

1. Мене лудо ме привлече неговиот изглед, незнам дали затоа што неможе често да се сретне кај нас во Македонија, или пак тој е навистина привлечен и атрактивен.

   Можам со часови да гледам во неговите совршено распоредени цветови во светло зелена боја.

   Ми делува тотално нереално, и се прашувам како е можно да израсне такво совршенство.

   Романеско карфиолот е дефинитивно најубавиот зеленчук според мене, но освен тоа што е многу атрактивен, тој е и многу вкусен.

    

   Да се вратиме на супата :-)

   Празот, компирот и 1/2 од романеско карфиолот ставете ги да се варат.

   

2. Кога ќе бидат готови ставете ги во Vitamix садот за да се изблендираат.

3. Вратете ги во садот во кој се вареле, и додатете сол , домашна вегета.

   Додадете ги и карфиолите и брокулата исечени на делови со големина од 2-4см.

   

4. Супата нека се вари на тивок оган уште 10тина минути, затоа време ќе омекнат и зеленчуците од иста фамилија.

   Ставете по една лажица сок од цеден лимон во секоја чинија!

   Добар апетит!